World's first medical networking and resource portal

Articles
Category : All
Medical Articles
Jun28
हे कृपाळू दयासिंधु!: डॉ. श्रीनिवास कशाळीकर
हे कृपाळू दयासिंधु!: डॉ. श्रीनिवास कशाळीकर

हे परमकृपाळू दयासिंधु सद्गुरू!

प्रारब्धजन्य नामविस्मरणाच्या अंधारमय ग्लानिमुळे माझ्या ह्या देहाकडून, मनाकडून आणि बुद्धीकडून जेवढे अपराध आणि प्रमाद घडले असतील किंवा घडू शकले असते, ते माझे संभवत: टीकाकार, निंदक आणि अगदी माझे वैरी देखील जाणू शकत नाहीत! एवढेच कशाला मला स्वत:ला देखील त्यांची नीट माहिती नाही! कारण हा देह, त्यातील घडामोडी;आणि त्याच्या संवेदना, वासना, उर्मि, इच्छा, कल्पना, विचार, दृष्टी, क्षमता, कृती, इत्यादी सर्वकाही इतक्या प्रचंड वेगाने बदलत आहे की ते सर्व जाणणे अशक्यप्राय आहे!

पण टीचभर आयुष्यातल्या ह्या साऱ्या चक्रावून टाकणाऱ्या क्षणभंगुर धुळीच्या वादळामध्ये तुमची परम कृपा मात्र प्राणवायूप्रमाणे चिरंतन, चैतन्यमय, स्फूर्तिदायी आणि शाश्वत समाधान देणारी आहे! नामस्मरणाच्या आणि तज्जन्य सद्बुद्धीच्या, सद्भावनांच्या, सद्वासनांच्या, सत्संकल्पांच्या आणि सत्कर्माच्या रूपाने ती माझ्यासारख्या सर्वांना उपलब्ध झाली आहे!

श्रीराम समर्थ!


Category (Psychology, Stress & Mental Health)  |   Views (4572)  |  User Rating
Rate It


Browse Archive