World's first medical networking and resource portal

Articles
Category : All
Medical Articles
May22
चैतन्यवर्षा: डॉ. श्रीनिवास जनार्दन कशाळीक
चैतन्यवर्षा: डॉ. श्रीनिवास जनार्दन कशाळीकर

आपल्या अंतरंगात अजरामर असे वैश्विक चैतन्य आहे आणि आपले जीवन म्हणजे त्या चैतन्याचा अंश आहे असे लहानपणापासून ऐकत आलो. पण ते चैतन्य काय व कसे असते हे माहीत नव्हते.

अशा परिस्थितीत; जेव्हा आपल्यामधील उणीवा आणि दोष सलत होते आणि जगातील समस्या मनाला भेडसावीत होत्या; तेव्हा सद्गुरू श्री ब्रह्मचैतन्य महाराज गोंदवलेकर यांच्या द्वारे; सर्वान्तर्यामीचे हे चैतन्य म्हणजेच नाम असून या चैतन्याचा अनुभव घेण्याचे सर्वोत्तम साधन म्हणजे नामस्मरण आहे हे समजू लागले. तसेच नामस्मरण हा सर्वंकष वैयक्तिक आणि सामाजिक कल्याणाचा राजमार्ग आहे; हे कळू लागले. एवढेच नव्हे; तर नामस्मरणाशिवाय समाधान होऊ शकत नाही आणि जीवनाला सार्थकता आणि पूर्णत्व येऊ शकत नाही याची खात्री झाली.

याचा परिणाम असा झाला की, स्वत:च्या रोगावरील उपाय सापडल्यावर ज्याप्रमाणे एकदा रोगी त्याच्यासारख्या इतर रोग्यांना तो उपाय सांगू लागतो त्याचप्रमाणे नामस्मरणावर मी पुस्तके लिहायला सुरुवात केली. नामस्मरणाचे साधन जगात सर्वदूर पसरावे आणि आपल्याप्रमाणेच इतर सर्वांची अस्वस्थता कमी व्हावी आणि समाधान वाढीस लागावे याचा ध्यास लागला.

परंतु इतरांना सांगणे सोपे असले तरी; ज्याप्रमाणे औषध फुकट मिळत असताना देखील आपल्याकडून काही वेळा उपचार घेतले जात नाहीत, त्याप्रमाणे माझेही मन नामस्मरणात पुरेसे रमत नव्हते.

असे का होत असावे? इतका निरुत्साह का असावा?

या प्रश्नाचा विचार करता करता असे लक्षात आले की, आपल्यामधील दृढमूल झालेला जडपणा, आळस, निराशा, गोंधळ, संशय, अविश्वास, निराशा, हतबलता, असहाय्यता इत्यादीमुळे आपल्याला अंतर्बाह्य व्यापून असणाऱ्या नामचैतन्याची वर्षा जगामध्ये सर्वत्र होत असताना देखील आपल्याला जाणवली नाही!

जेव्हा अंतर्बाह्य व्यापणारी आणि अंतर्बाह्य फुलवणारी गुरुकृपा वा नामचैतन्यवर्षा, वैश्विक आणि वैयक्तिक पातळीवरील गुरुकृपेनेच जाणवली तेव्हा नामस्मरणाच्या विश्वकल्याणकारी सामर्थ्याने मी पुन्हा एकदा भारावून गेलो! मन एकदम शांत आणि प्रफुल्लीत झाल! ऊर कृतज्ञतेने भरून गेला!

सर्वानी चिंब भिजून नामचैतन्यमय होण्यासाठी आणि पूर्णत्वाला जाण्यासाठी असलेल्या ह्या सुवर्णसंधीची शुभवार्ता सर्वाना केव्हा एकदा सांगतो अस झाल आणि उतावीळपणे मी लिहायला सुरुवात केली!

गुरुर्ब्रह्मा गुरुर्विष्णु: गुरुर्देवो महेश्वर:
गुरुर्साक्षात परब्रह्म तस्मै: श्री गुरवे नम:


Category (Psychology, Stress & Mental Health)  |   Views (5385)  |  User Rating
Rate It


Browse Archive